Punjab Post

India's Sandeep Singh, left, reacts after scoring India's fourth goal against Italy

ਨਵੀਂ ਦਿੱਲੀ, 19 ਫਰਵਰੀ (ਏਜੰਸੀ) : ਸਟਾਰ ਡਰੈਗ ਫਿਲਕਰ ਸੰਦੀਪ ਸਿੰਘ ਦੀ ਹੈਟ੍ਰਿਕ ਦੀ ਬਦੌਲਤ ਭਾਰਤ ਨੇ ਅੱਜ ਇਟਲੀ ਨੂੰ 8-1 ਨਾਲ ਹਰਾ ਕੇ ਓਲੰਪਿਕ ਕਵਾਲੀਫਾਇਰ ਟੂਰਨਾਮੈਂਟ ਵਿਚ  ਲਗਾਤਾਰ ਦੂਸਰੀ   ਧਮਾਕੇਦਾਰ ਜਿੱਤ ਦਰਜ ਕੀਤੀ। ਪਹਿਲੇ ਮੈਚ ਵਿਚ ਕਲ ਸਿੰਘਪੁਰ ਨੂੰ 15-1 ਨਾਲ ਹਰਾਉਣ ਵਾਲੀ ਭਾਰਤੀ ਟੀਮ ਨੇ ਮੇਜਰ ਧਿਆਨ ਚੰਦ  ਰਾਸ਼ਟਰੀ ਸਟੇਡਿਅਮ ਵਿਚ ਇਕ ਵਾਰ ਫਿਰ ਗੋਲਾਂ ਦੀ ਬੋਸ਼ਾਰ ਕਰ ਦਿੱਤੀ। ਪਹਿਲੇ ਹਾਫ ਵਿਚ ਸਕੋਰ 6-1 ਸੀ ਜਦਕਿ ਦੂਸਰੇ ਹਾਫ ਵਿਚ ਦੋ ਹੀ ਗੋਲ ਹੋਏ। ਮੇਜਬਾਨ ਟੀਮ ਲਈ ਸੰਦੀਪ (ਤੀਸਰਾ, 22ਵਾਂ, 23ਵਾਂ ਮਿਨਟ) ਵੀ. ਆਰ ਰਘੁਨਾਥ (12ਵਾਂ), ਐਸ. ਵੀ. ਸੁਨੀਲ (30ਵਾਂ, 38ਵਾਂ) ਗੁਰਵਿੰਦਰ ਸਿੰਘ ਚਾਂਡੀ (32ਵਾਂ ਮਿਨਟ), ਸ਼ਵਿੰਦਰ ਸਿੰਘ (53ਵਾਂ ਮਿਨਟ) ਨੇ ਗੋਲ ਦਾਗੇ ਜਦ ਕਿ ਇਟਲੀ ਲਈ ਅਲਜੈਂਦਰੋ ਨੈਨੀ (16ਵਾਂ ਮਿਨਟ) ਨੇ ਗੋਲ ਕੀ ਤੇ, ਭਾਰਤ ਨੇ ਅੱਜ ਵਧੀਆ ਖੇਡ ਦਿਖਾਇਆ ਅ  ਤੇ ਪਨੈਲਟੀ ਕਾਰਨਰ ਤਬਦੀਲੀ ਦਾ ਦਰ ਵੀ ਵਧੀਆ ਰਿਹਾ ਜੋ ਆਉਣ ਵਾਲੇ ਕਥਿਨ ਮੈਚਾਂ ਤੋਂ ਪਹਿਲਾਂ ਕੋਚ ਮਾਈਕਲ ਨੌਬਸ ਲਈ ਚੰਗਾ ਸੰਕੇਤ ਹੈ।

ਭਾਰਤ ਨੂੰ ਪਹਿਲਾ ਪਨੈਲਟੀ ਕਾਰਨਰ ਤੀਸਰੇ ਮਿਨਟ ‘ਚ ਮਿਲਿਆ ਜਿਸ ਲਈ ਸੰਦੀਪ ਨੇ ਕੋਈ ਗਲਤੀ ਨਹੀਂ ਕੀਤੀ ਕਲ ਸਿੰਘਪੁਰ ਖਿਲਾਫ ਠੀਕ-ਠੀਕ ਪ੍ਰਦਰਸ਼ਨ ਕਰਨ ਵਾਲੇ ਸੰਦੀਪ ਨੇ ਕੋਈ ਕੁਤਾਹੀ ਨਹੀਂ ਵਰਤੀ ਭਾਰਤੀ ਟੀਮ ਨੇ ਅਗਲਾ ਮੈਚ ਮੰਗਲਵਾਰ ਨੂੰ ਫਰਾਂਸ ਨਾਲ ਖੇਡਣਾ ਹੈ, ਭਾਰਤੀ ਟੀਮ ਵਿਚ ਅ ੱਜ ਗੋਲਕੀਪਰ ਕਪਤਾਨ ਭਰਤ ਛੇਤਰੀ ਦੀ ਜਗਾ ਪੀ. ਆਰ. ਸ੍ਰੀ ਜੈਸ ਨੂੰ ਟੀਮ ‘ਚ ਜਗਾ ਦਿੱਤੀ ਗਈ ਜਦਕਿ ਕਪਤਾਨੀ ਸਰਦਾਰ ਸਿੰਘ ਨੇ ਸੰਭਾਲੀ।

ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਕੈਨੇਡਾ ਨੂੰ 4-1 ਨਾਲ ਹਰਾਇਆ : ਯੂਕਰੇਨ ਖਿਲਾਫ ਪਹਿਲਾ ਮੈਚ ਡਰਾਅ ਖੇਡਣ ਵਾਲੀ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਅੱਜ ਵਧੀਆ ਖੇਡ ਦਿਖਾਉਂਦਿਆਂ ਕੈਨੇਡਾ ਨੂੰ ਦੂਸਰੇ ਓਲੰਪਿਕ ਕੁਆਲੀਫਾਇਰ ਮੈਚ ਵਿਚ 4-1 ਨਾਲ ਹਰਾÎਇਆ। ਭਾਰਤ ਲਈ ਸੋਂਦਰਿਆ ਯੇਂਡਾਲਾ (16ਵਾਂ ਮਿੰਟ), ਰਾਣੀ ਰਾਮਪਾਲ (18ਵਾਂ ਮਿੰਟ), ਸੁਸ਼ੀਲਾ ਚਾਨੂ (29ਵਾਂ ਮਿੰਟ), ਅਨੁਰਾਧਾ ਦੇਵੀ (49ਵਾਂ ਮਿੰਟ) ਨੇ ਗੋਲ ਕੀਤੇ ਜਦ ਕਿ ਕੈਨੇਡਾ ਲਈ ਸਿਰਫ ਇਕੋ ਇਕ ਗੋਲ 68ਵੇਂ ਮਿੰਟ ਵਿਚ ਹਾਨਾ ਹਾਨ ਨੇ ਕੀਤਾ। ਪਹਿਲੇ ਹਾਫ ਵਿਚ ਭਾਰਤ ਨੂੰ ਪੰਜ ਪੈਨਲਟੀ ਕਾਰਨਰ ਮਿਲੇ ਜਿਨ੍ਹਾਂ ਵਿਚੋਂ 2 ‘ਤੇ ਗੋਲ ਹੋਏ। ਭਾਰਤੀ ਫਾਰਵਰਡ ਪੰਕਿਤ ਤੇ ਮਿਡ ਫੀਲਡ ਵਿਚ ਅੱਜ ਵਧੀਆ ਤਾਲਮੇਲ ਦਿੱਸਿਆ ਤੇ ਗੇਂਦ ‘ਤੇ ਕੰਟਰੋਲ ਨਾਲ ਵੀ ਮੇਜ਼ਬਾਨ ਟੀਮ ਨੇ ਕੈਨੇਡਾ ਨੂੰ ਪਿੱੱਛੇ ਛੱਡ ਦਿੱਤਾ।

ਭਾਰਤੀਆਂ ਨੇ ਕੈਨੇਡੀਆਈ ਗੋਲ ‘ਤੇ ਕਈ ਹਮਲੇ ਕੀਤੇ ਅਤੇ ਕੈਨੇਡਾ ਦੀ ਗੋਲ ਕੀਪਰ ਲਿਊ ਅਜੇਲਾ ਜੇਕਰ ਵਧੀਆ ਪ੍ਰਦਰਸ਼ਨ ਨਾ ਕਰਦੀ ਤਾਂ ਭਾਰਤ ਦੀ ਜਿੱਤ ਦਾ ਫਰਕ ਹੋਰ ਵੀ ਵਧ ਹੁੰਦਾ। ਭਾਰਤ ਨੂੰ ਪਹਿਲਾ ਪੈਨਲਟੀ ਕਾਰਨਰ 7ਵੇਂ ਮਿੰਟ ਵਿਚ ਮਿਲਿਆ ਜਿਸ ‘ਤੇ ਜੈਦੀਪ ਕੌਰ ਗੋਲ ਨਹੀਂ ਕਰ ਸਕੀ। ਇਸ ਦੇ ਤਿੰਨ ਮਿੰਟ ਬਾਅਦ ਭਾਰਤ ਨੂੰ ਗੋਲ ਕਰਨ ਦਾ ਸੁਨਹਿਰਾ ਮੌਕਾ ਮਿਲਿਆ ਪਰ ਖੱਬੇ ਪਾਸਿਓਂ ਅਨੁਰਾਧਾ ਦੇਵੀ ਦਾ ਸ਼ਾਟ ਬਾਹਰ ਨਿਕਲ ਗਿਆ। ਭਾਰਤੀ ਟੀਮ  ਨੂੰ 16ਵੇਂ ਮਿੰਟ ਵਿਚ ਫਿਰ ਪੈਨਲਟੀ ਕਾਰਨਰ ਮਿਲਿਆ ਅਤੇ ਜਸਪ੍ਰੀਤ ਕੌਰ ਦੇ ਸ਼ਾਟ ਨੂੰ ਸੋਂਦਰਿਆ ਨੇ ਗੋਲ ਵਿਚ ਬਦਲ ਦਿੱਤਾ। ਦੂਜੇ ਹਾਫ ਵਿਚ ਭਾਰਤ ਦੀ ਲੈਅ ਬਰਕਾਰ ਰਹੀ ਪਰ ਗੋਲ ਦੇ ਲਈ ਉਸ ਨੂੰ 14 ਮਿੰਟ ਦਾ ਇੰਤਜ਼ਾਰ ਕਰਨਾ ਪਿਆ। ਭਾਰਤ ਦਾ ਚੌਥਾ ਗੋਲ ਅਨੁਰਾਧਾ ਨੇ ਕੀਤਾ।

Yuvraj Singh

ਨਵੀਂ ਦਿੱਲੀ, 16 ਫਰਵਰੀ (ਏਜੰਸੀ) : ਪੰਜਾਬ ਵਾਸੀਆਂ ਤੇ ਕ੍ਰਿਕਟ ਪ੍ਰੇਮੀਆਂ ‘ਚ ਉਸ ਸਮੇਂ ਖੁਸ਼ੀ ਦੀ ਲਹਿਰ ਫੈਲ ਗਈ, ਜਦੋਂ ਕ੍ਰਿਕਟ ਖਿਡਾਰੀ ਯੁਵਰਾਜ ਸਿੰਘ ਨੇ ਆਪਣੇ ਟਵੀਟ (ਕੰਪਿਊਟਰ ‘ਤੇ ਮੈਸੇਜ) ਰਾਹੀਂ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੀ ਰਸੌਲੀ ਖਤਮ ਹੋਣ ਨੇੜੇ ਹੈ। ਬੋਸਟਨ ਦੇ ਕੈਂਸਰ ਰਿਸਰਚ ਇੰਸਟੀਚਿਊਟ ‘ਚ ਇਲਾਜ ਕਰਵਾ ਰਹੇ ਯੁਵਰਾਜ ਨੇ ਲਿਖਿਆ ਹੈ ਕਿ ਡਾਕਟਰ ਲਾਰੈਂਸ ਮੁਤਾਬਕ ਮੇਰੀ ਰਸੌਲੀ ਲਗਭਗ ਖਤਮ ਹੋ ਗਈ ਹੈ ਅਤੇ ਇਲਾਜ ਦਾ ਦੂਜਾ ਗੇੜ ਸ਼ੁਰੂ ਹੋ ਗਿਆ ਹੈ। ਦੱਸਣਾ ਬਣਦਾ ਹੈ ਕਿ 30 ਸਾਲਾ ਖਿਡਾਰੀ ਪਿਛਲੇ ਮਹੀਨੇ ਹੀ ਇਲਾਜ ਲਈ ਅਮਰੀਕਾ ਗਏ ਸਨ। ਇਲਾਜ ਦੌਰਾਨ ਉਨ੍ਹਾਂ ਦੇ ਵਾਲ ਵੀ ਝੜ ਗਏ ਹਨ। ਯੁਵਰਾਜ ਦਾ ਇਲਾਜ ਮਾਰਚ ਦੇ ਆਖ਼ਰੀ ਹਫ਼ਤੇ ਤੱਕ ਚੱਲੇਗਾ। ਯੁਵਰਾਜ ਨੇ ਦੱਸਿਆ ਕਿ ਮੈਂ ਹੁਣ ਕੁਝ ਚੰਗਾ ਮਹਿਸੂਸ ਕਰ ਰਿਹਾ ਹਾਂ ਅਤੇ ਮੈਨੂੰ ਉਮੀਦ ਹੈ ਕਿ ਮੇਰੀ ਜਲਦ ਹੀ ਪ੍ਰਸੰਸਕਾਂ ਨਾਲ ਮੁਲਾਕਾਤ ਹੋਵੇਗੀ।

ਨਵੀਂ ਦਿੱਲੀ, 13 ਫਰਵਰੀ (ਏਜੰਸੀ) : ਯੁਵਾ ਮਾਮਲਿਆਂ ਅਤੇ ਖੇਡ ਮੰਤਰਾਲੇ ਵੱਲੋਂ ਵਿਸ਼ਵ ਜੁਡੋ ਕੱਪ ਵਿੱਚ ਸੀਨੀਅਰ ਮਹਿਲਾ ਅਤੇ ਸੀਨੀਅਰ ਪੁਰਸ਼ਾਂ ਦੀਆਂ ਜੁਡੋ ਟੀਮਾਂ ਨੂੰ ਹਿੱਸਾ ਲੈਣ ਲਈ ਮਨਜ਼ੂਰੀ ਦਿੱਤੀ ਗਈ ਹੈ। ਇਹ 23 ਤੋਂ 27 ਫਰਵਰੀ ਤੱਕ ਖੇਡਾਂ ਹੋਣਗੀਆਂ। ਮਹਿਲਾਵਾਂ ਦੀਆਂ ਖੇਡਾਂ ਪੋਲੈਂਡ ਦੇ ਵਾਰਸਾ ਵਿੱਚ ਜਦਕਿ ਪੁਰਸ਼ਾਂ ਦੀ ਖੇਡ ਚੈਕ ਗਣਤੰਤਰ ਪਰੇਗ ਵਿੱਚ ਕਰਵਾਈ ਜਾਵੇਗੀ। ਮਹਿਲਾਵਾਂ ਦੀ ਟੀਮ ਵਿੱਚ ਕੁਮਜਾਮ ਟੋਂਬੀ ਦੇਵੀ, ਕਲਪਨਾ ਦੇਵੀ ਥੋਡਮ, ਗਰਿਮਾ ਚੌਧਰੀ ਅਤੇ ਕੋਚ ਸੋਬਿੱਤਰੀ ਚਾਨੂੰ ਖੋਇਸ ਸ਼ਾਮਿਲ ਹਨ, ਜਦਕਿ ਪੁਰਸ਼ਾਂ ਦੀ ਟੀਮ ਵਿੱਚ ਸ਼੍ਰੀ ਨਵਜੋਤ ਚਾਨਾ ਅਤੇ ਕੋਚ ਸ਼੍ਰੀ ਜੇ.ਜੀ. ਸ਼ਰਮਾ ਸ਼ਾਮਿਲ ਹਨ।

ਨਵੀਂ ਦਿੱਲੀ, 11 ਫਰਵਰੀ (ਏਜੰਸੀ) : ਭਾਰਤੀ ਕ੍ਰਿਕਟ ਦੇ ਉਭਰਦੇ ਸਟਾਰ ਵਿਰਾਟ ਕੋਹਲੀ ਸਟਾਈਲ ਸੈਂਸ ਵਿਚ ਵੀ ਸੁਪਰਹਿਟ ਹਨ ਅਤੇ ਇਸ ਦੌੜ ਵਿਚ ਉਨ੍ਹਾਂ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੂੰ ਪਿਛੇ ਛੱਡ ਦਿਤਾ ਹੈ। ਮਰਦਾਂ ਦੇ ਫੈਸ਼ਨ ਰਸਾਲੇ ‘ਜੀ. ਕਿਊ.’ ਨੇ ਆਪਣੇ ਤਾਜ਼ਾ ਅੰਕ ਵਿਚ ਦੁਨੀਆ ਦੇ ‘ਵੈਸਟ ਡਰੈਸਟਰ ਇੰਟਰਨੈਸ਼ਨਲ ਮੈਨ’ ਦੀ ਸੂਚੀ ਜਾਰੀ ਕੀਤੀ ਹੈ। ਇਸ ਸੂਚੀ ਵਿਚ 23 ਸਾਲਾ ਵਿਰਾਟ ਤੀਜੇ ਨੰਬਰ ‘ਤੇ ਹੈ ਜਦੋਂਕਿ ਓਬਾਮਾ ਆਖਰੀ ਪਾਏਦਾਨ ‘ਤੇ ਹਨ। ਸੂਚੀ ਵਿਚ ਆਇਰਸ਼ ਜਰਮਨ ਐਕਟਰ ਮਾਈਕਲ ਚੋਟੀ ‘ਤੇ ਹੈ। ਇਸ ਵਿਚ ਐਕਟਰ ਰਿਆਨ ਅਤੇ ਐਕਟਰ ਵਿਨਸੈਂਟ ਸ਼ਾਮਲ ਹਨ ਜਦੋਂਕਿ ਓਬਾਮਾ ਅੰਤਮ ਨੰਬਰ ‘ਤੇ ਹਨ।

ਨਵੀਂ ਦਿੱਲੀ, 8 ਫਰਵਰੀ (ਏਜੰਸੀ) : ਅਮਰੀਕਾ ‘ਚ ਕੀਮੋਥੈਰੇਪੀ ਰਾਹੀਂ ਇਲਾਜ ਕਰਵਾ ਰਹੇ ਵਿਸ਼ਵ ਕ੍ਰਿਕਟ ਚੈਂਪੀਅਨ ਯੁਵਰਾਜ ਸਿੰਘ ਨੇ ਬੁਲੰਦ ਹੌਸਲੇ ਨਾਲ ਕਿਹਾ ਹੈ ਕਿ ਉਹ ਛੇਤੀ ਹੀ ਤੰਦਰੁਸਤ ਹੋ ਜਾਣਗੇ ਅਤੇ ਮੈਦਾਨ ‘ਚ ਪੂਰੀ ਮਜ਼ਬੂਤੀ ਨਾਲ ਵਾਪਸੀ ਕਰਨਗੇ। ਯੁਵਰਾਜ ਨੇ ਆਪਣੇ ਨਿੱਜੀ ਡਾਕਟਰ ਅਤੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੇ ਮਾਹਿਰਾਂ ‘ਤੇ ਲੱਗ ਰਹੇ ਦੋਸ਼ਾਂ ਦਾ ਖੰਡਨ ਕਰਦਿਆਂ ਕਿਹਾ ਕਿ ਇਸ ਹਾਲਤ ਲਈ ਉਹ ਖੁਦ ਜ਼ਿੰਮੇਵਾਰ ਹਨ, ਨਾ ਕਿ ਕੋਈ ਹੋਰ। ਉਨ੍ਹਾਂ ਕਿਹਾ ਕਿ ਮੈਂ ਆਪਣੇ ਬਾਰੇ ਫ਼ੈਸਲਾ ਖੁਦ ਲੈਂਦਾ ਹੈ ਅਤੇ ਇਸ ਬਾਰੇ ਕਿਸੇ ਨੂੰ ਦੋਸ਼ੀ ਠਹਿਰਾਉਣਾ ਗ਼ਲਤ ਹੈ। ਦੱਸਣਾ ਬਣਦਾ ਹੈ ਕਿ ਯੁਵਰਾਜ ਦੇ ਪਿਤਾ ਅਤੇ ਕੋਚ ਰਹੇ ਯੋਗਰਾਜ ਸਿੰਘ ਨੇ ਬੀਤੇ ਕੱਲ੍ਹ ਕਿਹਾ ਸੀ ਕਿ ਉਨ੍ਹਾਂ ਦੇ ਪੁੱਤਰ ਯੁਵਰਾਜ ਦੇ ਇਲਾਜ ਵਿਚ ਦੇਰੀ ਹੋਈ ਹੈ। ਇਸ ਦੇਰੀ ਲਈ ਕੋਈ ਨਾ ਕੋਈ ਜ਼ਿੰਮੇਵਾਰ ਹੈ।

ਹਾਂਗਕਾਂਗ, 6 ਫਰਵਰੀ (ਏਜੰਸੀ) : ਆਪਣੀ ਉਪਲੱਬਧੀ ਨਾਲ ਢੇਰਾਂ ਪ੍ਰਸ਼ੰਸਕ ਬਣਾਉਣ ਵਾਲੇ ਬ੍ਰਿਟਿਸ਼ ਭਾਰਤੀ ਐਥਲੀਟ ਫੌਜਾ ਸਿੰਘ ਨੇ ਹਾਂਗਕਾਂਗ ਦੇ ਨਿਵਾਸੀਆਂ ਨੂੰ ਵੀ ਹੈਰਾਨ ਕਰਦੇ ਹੋਏ ਅੱਜ ਇਥੇ 10 ਕਿਲੋਮੀਟਰ ਦੀ ਦੌੜ ਪੂਰੀ ਕੀਤੀ।  ‘ਟਰਬਨਡ ਤਾਰਪੀਡੋ’ ਦੇ ਨਾਂ ਨਾਲ ਮਸ਼ਹੂਰ ਫੌਜਾ ਸਿੰਘ ਨੇ ਲਗਭਗ ਇਕ ਘੰਟਾ ਤੇ 34 ਮਿੰਟ ਵਿਚ ਹਾਂਗਕਾਂਗ ਮੈਰਾਥਨ ਪੂਰੀ ਕਰਨ ਤੋਂ ਬਾਅਦ ਕਿਹਾ, ”ਮੌਸਮ ਕਾਫੀ ਚੰਗਾ ਸੀ। ਮੈਂ ਰੇਸ ਦਾ ਪੂਰਾ ਮਜ਼ਾ ਚੁੱਕਿਆ।

ਮਈ ਤੱਕ ਕ੍ਰਿਕਟ ‘ਚ ਵਾਪਸੀ ਸੰਭਵ

ਨਵੀਂ ਦਿੱਲੀ, 6 ਫਰਵਰੀ (ਏਜੰਸੀ) : ਅਮਰੀਕਾ ‘ਚ ਕੀਮੋਥੈਰੇਪੀ ਕਰਵਾ ਰਹੇ ਭਾਰਤੀ ਟੀਮ ਦੇ ਖਿਡਾਰੀ ਯੁਵਰਾਜ ਸਿੰਘ ਨੂੰ ਫੇਫੜਿਆਂ ਦਾ ਕੈਂਸਰ ਨਹੀਂ ਹੈ, ਸਗੋਂ ਉਨ੍ਹਾਂ ਦੇ ਫੇਫੜਿਆਂ ‘ਚ ਦੁਰਲਭ ਕਿਸਮ ਦਾ ਟਿਊਮਰ ਹੈ, ਜਿਸ ਦਾ ਇਲਾਜ ਸੰਭਵ ਹੈ। ਯੁਵਰਾਜ ਦੇ ਇਲਾਜ ‘ਚ ਸ਼ਾਮਲ ਮੈਕਸ ਹਸਪਤਾਲ ਦੇ ਡਾਕਟਰਾਂ ਦਾ ਮੰਨਣਾ ਹੈ ਕਿ ਉਹ ਮਈ ਦੇ ਪਹਿਲੇ ਹਫਤੇ ਤੱਕ ਮੈਦਾਨ ‘ਚ ਉਤਰ ਸਕਦੇ ਹਨ। ਯੁਵਰਾਜ ਨੂੰ ਕੈਂਸਰ ਹੋਣ ਦਾ ਖ਼ੁਲਾਸਾ ਹੋਣ ਤੋਂ ਬਾਅਦ ਮੀਡੀਆ ‘ਚ ਜਾਰੀ ਤਮਾਮ ਕਿਆਸਅਰਾਈਆਂ ਨੂੰ ਰੱਦ ਕਰਦਿਆਂ ਮੈਕਸ ਸਾਕੇਤ ਹਸਪਤਾਲ ਦੇ ਡਾਕਟਰ ਨਿਤਿਸ਼ ਰੋਹਤਾਗੀ ਨੇ ਕਿਹਾ ਕਿ ਯੁਵਰਾਜ ਨੂੰ ਕੈਂਸਰ ਜ਼ਰੂਰ ਹੈ, ਪਰ ਉਹ ਫੇਫੜਿਆਂ ਦਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਯੁਵਰਾਜ ਨੂੰ ਇਕ ਦੁਰਲੱਭ ਕਿਸਮ ਦਾ ਟਿਊਮਰ ਹੈ, ਜਿਸ ਨੂੰ ਐਕਸਟਰਾਗੋਨਾਡੇ ਸੇਮੀਨੋਮਾ ਕਿਹਾ ਜਾਂਦਾ ਹੈ।

ਦੱਸਣਾ ਬਣਦਾ ਹੈ ਕਿ ਯੁਵਰਾਜ ਨੇ ਜਨਵਰੀ ਦੇ ਦੂਜੇ ਹਫ਼ਤੇ ਡਾ. ਰੋਹਤਾਗੀ ਤੋਂ ਸਲਾਹ ਲਈ ਸੀ ਤੇ ਇਸ ਉਪਰੰਤ ਹੀ ਉਹ ਕੀਮੋਥੈਰੇਪੀ ਲਈ ਅਮਰੀਕਾ ਚਲੇ ਗਏ ਸਨ। 9 ਹਫਤਿਆਂ ਦੀ ਹੋਣ ਵਾਲੀ ਕੀਮੋਥੈਰੇਪੀ ਦਾ ਇਹ ਤੀਜਾ ਹਫ਼ਤਾ ਹੈ। ਯੁਵਰਾਜ ਦੇ ਮੈਦਾਨ ‘ਚ ਪਰਤਣ ਸਬੰਧੀ ਪੁੱਛੇ ਸਵਾਲ ਦਾ ਜਵਾਬ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਉਹ ਮਈ ਦੇ ਪਹਿਲੇ ਹਫ਼ਤੇ ਮੈਦਾਨ ‘ਚ ਆ ਜਾਣਗੇ। ਉਨ੍ਹਾਂ ਕਿਹਾ ਕਿ ਇਲਾਜ ਦੇ ਪਹਿਲੇ ਹਫ਼ਤੇ ਯੁਵਰਾਜ ਨੂੰ ਕੁਝ ਚੰਗਾ ਨਹੀਂ ਲੱਗਾ ਸੀ ਅਤੇ ਉਨ੍ਹਾਂ ਨੂੰ ਉਲਟੀਆਂ ਲੱਗ ਰਹੀਆਂ ਹਨ, ਪਰ ਹੁਣ ਉਨ੍ਹਾਂ ਦੀ ਹਾਲਤ ਸਥਿਰ ਹੈ। ਦੂਜੇ ਪਾਸੇ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ ਨੇ ਇਸ ਮਾਮਲੇ ‘ਚ ਯੁਵਰਾਜ ਦੀ ਹਰ ਸੰਭਵ ਮਦਦ ਕਰਨ ਦਾ ਭਰੋਸਾ ਦਿੱਤਾ ਹੈ। ਬੋਰਡ ਨੇ ਨਾਲ ਹੀ ਮੀਡੀਆ ਨੂੰ ਸੰਜਮ ਰੱਖਣ ਦੀ ਗੱਲ ਆਖੀ ਹੈ। ਬੋਰਡ ਨੇ ਕਿਹਾ ਹੈ ਕਿ ਇਹ ਯੁਵਰਾਜ ਦਾ ਨਿੱਜੀ ਮਾਮਲਾ ਹੈ ਅਤੇ ਇਸ ਨੂੰ ਜ਼ਿਆਦਾ ਉਛਾਲਿਆ ਨਹੀਂ ਜਾਣਾ ਚਾਹੀਦਾ।

ਨਵੀਂ ਦਿੱਲੀ, 5 ਫਰਵਰੀ (ਏਜੰਸੀ) : ਟੀਮ ਇੰਡੀਆ ਦਾ ਸ਼ਾਨਦਾਰ ਖਿਡਾਰੀ ਯੁਵਰਾਜ ਸਿੰਘ ਕੈਂਸਰ ਤੋਂ ਪੀੜਤ ਹੈ। ਇਸ ਗੱਲ ਦਾ ਖੁਲਾਸਾ ਉਸ ਦੇ ਫੀਜ਼ੀਓ ਨੇ ਕੀਤਾ ਹੈ। ਫੀਜ਼ੀਓ ਦਾ ਕਿਹਣਾ ਹੈ ਕਿ ਯੁਵਰਾਜ ਦਾ ਕੈਂਸਰ ਪਹਿਲੀ ਸਟੇਜ ‘ਚ ਹੈ, ਇਸ ਲਈ ਘਬਰਾਉਣ ਵਾਲੀ ਗੱਲ ਨਹੀਂ ਹੈ। ਯੁਵਰਾਜ ਦੇ ਫੇਫੜੇ ਦਾ ਟਿਊਮਰ ਕਾਫੀ ਗੰਭੀਰ ਹੈ ਅਤੇ ਇਸ ਤੋਂ ਨਿਜਾਤ ਪਾਉਣ ਲਈ ਉਹ ਕੀਮੋਥੈਰੇਪੀ ਕਰਵਾ ਰਹੇ ਹਨ। ਹਾਲਾਂਕਿ ਇਸ ਲਈ ਉਨ੍ਹਾਂ ਨੂੰ ਹਸਪਤਾਲ ਵਿਚ ਭਰਤੀ ਹੋਣ ਦੀ ਲੋੜ ਨਹੀਂ ਪਈ ਹੈ। ਯੁਵਰਾਜ 26 ਫਰਵਰੀ ਨੂੰ ਇਲਾਜ ਲਈ ਅਮਰੀਕਾ ਰਵਾਨਾ ਹੋਏ ਸੀ। ਯੁਵਰਾਜ ਦੇ ਫੀਜ਼ੀਓ ਜਤਿਨ ਚੌਧਰੀ ਨੇ ਕਿਹਾ,”ਘਬਰਾਉਣ ਦਾ ਕੋਈ ਗੱਲ ਨਹੀਂ ਹੈ। ਯੁਵਰਾਜ ਦਾ ਕੈਂਸਰ ਪਹਿਲੀ ਸਟੇਜ ਵਿਚ ਹੈ। ਡਾਕਟਰ ਨੇ ਦੱਸਿਆ ਹੈ ਕਿ ਉਨ੍ਹਾਂ ਨੂੰ ਸਰਜਰੀ ਦੀ ਜ਼ਰੂਰਤ ਨਹੀਂ ਹੈ।” ਇਸ ਤੋਂ ਪਹਿਲਾਂ ਵੀ ਵਿਸ਼ਵ ਕੱਪ ਦੌਰਾਨ ਹੀ ਯੁਵਰਾਜ ਬਿਮਾਰ ਸਨ ਅਤੇ ਕਿਹਾ ਜਾ ਰਿਹਾ ਸੀ ਕਿ ਉਹ ਆਸਟ੍ਰੇਲੀਆ ਖਿਲਾਫ ਮੌਜੂਦਾ ਲੜੀ ਵਿਚ ਖੇਡਣ ਲਈ ਫਿੱਟ ਹੋ ਜਾਣਗੇ ਪਰ ਅਜਿਹਾ ਨਹੀਂ ਹੋਇਆ ਹੈ ਅਤੇ ਉਹ ਕੈਂਸਰ ਨਾਲ ਮੁਕਾਬਲਾ ਕਰ ਰਹੇ ਹਨ।

ਬੰਗਲੌਰ, 4 ਫਰਵਰੀ (ਏਜੰਸੀ) : ਟੀ20 ਮੈਚ ’ਚ ਆਸਟ੍ਰੇਲੀਆ ਵਿਰੁੱਧ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਮੈਨ ਆਫ ਦ ਮੈਚ ਦਾ ਪੁਰਸਕਾਰ ਜਿੱਤਣ ਵਾਲੇ ਰਵਿੰਦਰ ਜਡੇਜਾ ਨੂੰ ਆਈਪੀਐਲ ਨੀਲਾਮੀ ’ਚ ਆਖਿਰ ਉਹ ਇਨਾਮ ਮਿਲ ਗਿਆ ਜਿਸ ਦਾ ਉਨ੍ਹਾਂ ਨੂੰ ਇੰਤਜ਼ਾਰ ਸੀ। ਚੇਨਈ ਸੁਪਰਕਿੰਗਸ ਨੇ ਆਈਪੀਐਲ ਨੀਲਾਮੀ ’ਚ ਰਵਿੰਦਰ ਜਡੇਜਾ ਨੂੰ 20 ਲੱਖ ਡਾਲਰ (ਲਗਭਗ 9 ਕਰੋੜ 72 ਲੱਖ ਰੁਪਏ) ’ਚ ਖਰੀਦ ਲਿਆ ਹੈ। ਜਡੇਜਾ ਨੇ ਇਸ ਨੀਲਾਮੀ ’ਚ ਕਈ ਫ੍ਰੇਂਚਾਈਜ਼ੀ ਟੀਮਾਂ ਨੂੰ ਲੁਭਾਇਆ ਪਰ ਬਾਜੀ ਚੇਨਈ ਸੁਪਰਕਿੰਗਸ ਨੇ ਹੀ ਮਾਰੀ।ਚੇਨਈ ਸੁਪਰਕਿੰਗਸ ਤੇ ਡੈਕਨ ਚਾਰਜਸਰਸ ਦੇ ਵਿਚ 20 ਲੱਖ ਡਾਲਰ ਦੀ ਰਕਮ ’ਤੇ ਜਡੇਜਾ  ਨੂੰ ਲੈ ਕੇ ਮੁਕਾਬਲਾ ਬਰਾਬਰ ਸੀ ਪਰ ਸੀਐਸਕੇ ਨੇ ਟਾਈਬ੍ਰੇਕਰ ’ਚ ਬਾਜ਼ੀ ਮਾਰ ਲਈ। ਮੁੰਬਈ ਇੰਡੀਅਨਸ ਨੇ ਆਰ. ਪੀ. ਸਿੰਘ ਨੂੰ 6 ਲੱਖ ਡਾਲਰ ਵਿਚ ਖਰੀਦਿਆ, ਜਦੋਂ ਕਿ ਰਾਜਸਥਾਨ ਰਾਇਲਸ ਨੇ ਸ਼੍ਰੀਸੰਥ ਨੂੰ 4 ਲੱਖ ਡਾਲਰ ਵਿਚ ਖਰੀਦਿਆ। ਇਸ ਤੋਂ ਇਲਾਵਾ ਵਿਨੇ ਕੁਮਾਰ ਨੂੰ ਰਾਇਲ ਚੈਲੇਂਜਰਸ ਨੇ 10 ਲੱਖ ਡਾਲਰ ਵਿਚ ਖਰਦਿਆ।

ਦਿੱਲੀ ਡੇਅਰ ਡੇਵਿਲਸ ਨੇ ਮਹੇਲਾ ਜੈਵਰਧਨੇ ਨੂੰ 14 ਲੱਖ ਡਾਲਰ ਵਿਚ ਖਰੀਦਿਆ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਬਰੈਡਨ ਮੈਕੁਲਮ ਨੂੰ 9 ਲੱਖ ਡਾਲਰ ਵਿਚ ਖਰੀਦਿਆ ਪਰ ਵੀ. ਵੀ. ਐਸ. ਲਕਸ਼ਮਣ ਨੂੰ ਕੋਈ ਵੀ ਖਰੀਦਦਾਰ ਨਹੀਂ ਮਿਲਿਆ।

ਭਾਰਤੀ ਵਿਕਟ ਕੀਪਰ ਪਾਰਥਿਵ ਪਟੇਲ ਨੂੰ ਡੈਕਨ ਚਾਰਜਸ ਨੇ 6 ਲੱਖ 50 ਹਜ਼ਾਰ ਡਾਲਰ ਵਿਚ ਖਰੀਦਿਆ ਅਤੇ ਉਨ੍ਹਾਂ ਦਾ ਅਧਾਰ ਮੁੱਲ 2 ਲੱਖ ਡਾਲਰ ਸੀ। ਆਸਟ੍ਰੇਲੀਆ ਵਿਚ ਹਾਲ ਹੀ ਵਿਚ ਨਾਕਾਮ ਰਹੇ ਵੀ. ਵੀ. ਐੱਸ. ਲਕਸ਼ਮਣ ਤੋਂ ਇਲਾਵਾ ਇੰਗਲੈਂਡ ਦੇ ਜੇਮਸ ਐਂਡਰਸਨ, ਇਸਾਅਨ ਬੇਲ, ਰਵੀ ਬੋਪਾਰਾ ਅਤੇ ਮੈਟ ਪ੍ਰਾਇਰ, ਵੈਸਟਇੰਡੀਜ਼ ਦੇ ਰਾਮ ਨਰੇਸ਼ ਸਰਵਨ , ਏਡ੍ਰੀਅਨ ਬਰਾਥਨ ਤੇ ਡਰੇਨ ਬ੍ਰਾਵਾ ਅਤੇ ਦੱਖਣੀ ਅਫਰੀਕਾ ਦੇ ਮਾਰਕ ਬਾਉਚਰ ਨੂੰ ਵੀ ਕੋਈ ਖਰੀਰਦਾਰ ਨਹੀਂ ਮਿਲਿਆ।

ਚੇਨੱਈ ਸੁਪਰ ਕਿੰਗਸ ਅਤੇ ਕੋਚੀ ਟੀਮ ਦਾ ਹਿੱਸਾ ਰਹਿ ਚੁੱਕੇ ਸ਼੍ਰੀਲੰਕਾ ਦੇ ਮਹਾਨ ਸਪਿਨਰ ਮੁਥੈਆ ਮੁਰਲੀਧਰਨ ਲਈ ਰਾਇਲ ਚੈਲੇਂਜਰ ਬੇਂਗਲੂਰ ਨੇ 2 ਲੱਖ 20 ਹਜ਼ਾਰ ਡਾਲਰ ਖਰਚ ਕੀਤੇ। ਡੇਕਨ ਚਾਰਜਸ ਵੱਲੋਂ ਰਿਲੀਜ਼ ਕੀਤੇ ਗਏ ਦੱਖਣੀ ਅਫਰੀਕਾ ਦੇ ਤਜ਼ਰਬੇਕਾਰ ਸਲਾਮੀ ਬੱਲੇਬਾਜ਼ ਹਰਸ਼ਲ ਗਿਬਸ ਨੂੰ ਮੁੰਬਈ ਇੰਡੀਅਨਸ ਨੇ 50 ਹਜ਼ਾਰ ਡਾਲਰ ਵਿਚ ਖਰੀਦਿਆ, ਜਦੋਂ ਕਿ ਆਸਟ੍ਰੇਲੀਆ ਦੇ ਬਰੈਡ ਹਾਜ ਲਈ ਰਾਜਸਥਾਨ ਰਾਇਲਸ ਨੇ 4 ਲੱਖ 74 ਹਜ਼ਾਰ ਡਾਲਰ ਖਰਚ ਕੀਤੇ।

ਆਸਟ੍ਰੇਲੀਆ ਦੇ ਮਿਸ਼ੇਲ ਜਾਨਸਨ 3 ਲੱਖ ਡਾਲਰ ਅਤੇ ਵੈਸਟ ਇੰਡੀਜ਼ ਦੇ ਆਂਦਰੇ ਰਸੇਲ ਨੂੰ ਦਿੱਲੀ ਡੇਅਰ ਡੇਵਿਲਸ ਨੇ 4 ਲੱਖ 50 ਹਜ਼ਾਰ ‘ਚ ਖਰੀਦਿਆ। ਸ਼੍ਰੀਲੰਕਾ ਦੇ ਵਿਕਟ ਕੀਪਰ ਬੱਲੇਬਾਜ਼ ਦਿਨੇਸ਼ ਚਾਂਦੀਮਲ ਨੂੰ ਰਾਜਸਥਾਨ ਰਾਇਲਸ ਨੇ ਉਨ੍ਹਾਂ ਦੇ ਅਧਾਰ ਮੁੱਲ 50 ਹਜ਼ਾਰ ਡਾਲਰ ਵਿਚ ਖਰੀਦਿਆ।

ਕਾਹਿਰਾ, 2 ਫਰਵਰੀ (ਏਜੰਸੀ) : ਮਿਸਰ ਦੋ ਪੋਰਟ ਸੈਦ ਸ਼ਹਿਰ ਵਿਚ ਕੱਲ ਫੁੱਟਬਾਲ ਦੇ 2 ਮਸ਼ਹੂਰ ਕਲੱਬ ਵਿਚਕਾਰ ਮੈਚ ਦੌਰਾਨ ਭੜਕੀ ਹਿੰਸਾ ਵਿਚ ਘੱਟੋ-ਘੱਟ 74 ਵਿਅਕਤੀਆਂ ਦੇ ਮਰਨ ਦੀ ਖਬਰ ਹੈ, ਜਦੋਂ ਕਿ 1000 ਵਿਅਕਤੀ ਜ਼ਖਮੀ ਹੋ ਗਏ । ਬਿਨਾਂ ਕੋਈ ਨਿਸ਼ਚਿਤ ਅੰਕੜੇ ਦਿੱਤੇ ਉੱਪ ਸਿਹਤ ਮੰਤਰੀ ਹੇਸ਼ਾਮ ਸ਼ਿਹਾ ਨੇ ਇਕ ਬਿਆਨ ਵਿਚ ਕਿਹਾ ਕਿ ਸੈਂਕੜੇ ਲੋਕ ਜ਼ਖਮੀ ਹੋ ਗਏ ਹਨ। ਇਕ ਸੁਰੱਖਿਆ ਅਧਿਕਾਰੀ ਨੇ ਦੱਸਿਆ ਕਿ ਮਿਸਰ ਦੀ ਚੋਟੀ ਦੀ ਟੀਮ ਅਹਿਲੇ ਦੇ ਖਿਲਾਫ 3-1 ਨਾਲ ਜਿੱਤ ਹਾਸਿਲ ਕਰਨ ਦੇ ਬਾਅਕ ਘਰੇਲੂ ਟੀਮ ਮਾਸਰੀ ਦੇ ਪ੍ਰਸ਼ੰਸਕ ਝੁੰਡ ਬਣਾ ਕੇ ਮੈਦਾਨ ਵਿਚ ਵੜ ਗਏ। ਉਨ੍ਹਾਂ ਨੇ ਦਰਸ਼ਕਾਂ ‘ਤੇ ਪੱਥਰ, ਬੋਤਲਾਂ ਸੁੱਟੀਆਂ ਅਤੇ ਆਤਿਸ਼ਬਾਜ਼ੀ ਵੀ ਕੀਤੀ ਜਿਸ ਨਾਲ ਕੁਝ ਖਿਡਾਰੀ ਜ਼ਖਮੀ ਹੋ ਗਏ। ਮਿਲੀ ਜਾਣਕਾਰੀ ਮੁਤਾਬਕ ਮਰਨ ਵਾਲਿਆਂ ਵਿਚ ਕੁਝ ਸੁਰੱਖਿਆ ਅਧਿਕਾਰੀ ਵੀ ਸ਼ਾਮਿਲ ਹਨ।