Punjab Post

ਮੁੰਬਈ, 18 ਮਈ (ਏਜੰਸੀ) : ਸਟਿੰਗ ਆਪਰੇਸ਼ਨ ਬਾਅਦ ਆਈ. ਪੀ. ਐਲ. ਇਕ ਵਾਰ ਫ਼ਿਰ ਵਿਵਾਦਾਂ ਦੇ ਘੇਰੇ ਵਿਚ ਆ ਗਿਆ ਜਦੋਂ ਇਥੇ ਕੋਲਕਾਤਾ ਨਾਈਟ ਰਾਈਡਰਸ ਟੀਮ ਦੇ ਮਾਲਕ ਤੇ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਜੋ ਨਸ਼ੇ ਵਿਚ ਸਨ, ਮੁੰਬਈ ਕ੍ਰਿਕਟ ਐਸੋਸੀਏਸ਼ਨ (ਐਮ. ਸੀ. ਏ.) ਦੇ ਅਧਿਕਾਰੀਆਂ ਤੇ ਸੁਰੱਖਿਆ ਮੁਲਾਜ਼ਮਾਂ ਨਾਲ ਨਾਲ ਝਗੜ ਪਏ। ਐਮ. ਸੀ. ਏ. ਨੇ ਸ਼ਾਹਰੁਖ ਦੇ ਵਾਨਖੇੜੇ ਸਟੇਡੀਅਮ ਵਿਚ ਦਾਖ਼ਲੇ ‘ਤੇ ਉਮਰ ਭਰ ਲਈ ਪਾਬੰਦੀ ਲਾ ਦਿੱਤੀ ਹੈ। ਸ਼ਾਹਰੁਖ ਖਿਲਾਫ਼ ਬਦਸਲੂਕੀ ਕਰਨ ਦੇ ਦੋਸ਼ ਵਿਚ ਥਾਣੇ ਵਿਚ ਕੇਸ ਦਰਜ ਕਰਵਾਇਆ ਹੈ। ਐਮ. ਸੀ. ਏ. ਦੇ ਸਕੱਤਰ ਨਿਤਿਨ ਦਲਾਲ ਨੇ ਕਿਹਾ, ‘ਅਸੀਂ. ਐਮ. ਸੀ. ਏ. ਅਧਿਕਾਰੀਆਂ ਨਾਲ ਬਦਸਲੂਕੀ ਕਰਨ ਵਾਲੇ ਸ਼ਾਹਰੁਖ ਖਿਲਾਫ਼ ਮਰੀਨ ਡਰਾਈਵ ਥਾਣੇ ਵਿਚ ਕੇਸ ਦਰਜ ਕੀਤਾ ਹੈ।

ਐਸੋਸੀਏਸ਼ਨ ਦੇ ਖਜ਼ਾਨਚੀ ਨੇ ਦੱਸਿਆ ਕਿ ਬੁੱਧਵਾਰ ਨੂੰ ਕੇ. ਕੇ. ਆਰ. ਦੀ ਮੁੰਬਈ ਇੰਡੀਅਨ ‘ਤੇ ਜਿੱਤ ਬਾਅਦ ਸ਼ਾਹਰੁਖ ਖਾਨ ਦੀ ਸੁਰੱਖਿਆ ਅਧਿਕਾਰੀਆਂ ਨੇ ਐਮ. ਸੀ. ਏ. ਅਧਿਕਾਰੀਆਂ ਨਾਲ ਝੜਪ ਹੋ ਗਈ। ਉਨ੍ਹਾਂ ਕਿਹਾ ਕਿ ਸ਼ਾਹਰੁਖ ਉਦੋਂ ਪੂਰੀ ਤਰ੍ਹਾਂ ਨਸ਼ੇ ਵਿਚ ਗੁੱਟ ਸੀ। ਉਸ ਨੇ ਦੱਸਿਆ ਕਿ ਮੈਚ ਪਿਛੋਂ ਉਸ ਨੇ ਬਦਸਲੂਕੀ ਕੀਤੀ ਤੇ ਗਾਲੀ-ਗਲੋਚ ਕੀਤਾ। ਸ਼ਾਹਰੁਖ ਨੇ ਐਮ. ਸੀ. ਏ. ਚੇਅਰਮੈਨ ਵਿਲਾਸ ਰਾਓ ਦੇਸ਼ਮੁੱਖ ਨੂੰ ਅਪਸ਼ਬਦ ਆਖੇ ਅਸੀਂ ਤੈਅ ਕੀਤਾ ਹੈ ਕਿ ਭਵਿੱਖ ਵਿਚ ਉਸ ਨੂੰ ਸਟੇਡੀਅਮ ਵਿਚ ਦਾਖ਼ਲ ਨਾ ਹੋਣ ਦਿੱਤਾ ਜਾਵੇ। ਦੂਜੇ ਪਾਸੇ ਆਈ. ਪੀ. ਐਲ. ਦੇ ਚੇਅਰਮੈਨ ਰਾਜੀਵ ਸ਼ੁਕਲਾ ਨੇ ਕਿਹਾ ਕਿ ਇਸ ਮਾਮਲੇ ਵਿਚ ਅੰਤਿਮ ਫ਼ੈਸਲਾ ਸਾਰਾ ਪੱਖਾਂ ਦੀ ਗੱਲ ਸੁਣਨ ਬਾਅਦ ਲਿਆ ਜਾਵੇਗਾ।

ਇਸ ਮਾਮਲੇ ਵਿਚ ਐਮ. ਸੀ. ਏ. ਤੇ ਸ਼ਾਹਰੁਖ ਦਾ ਪੱਖ ਸੁਣਿਆ ਜਾਵੇਗਾ। ਪਾਬੰਦੀ ਦਾ ਫ਼ੈਸਲਾ ਕਾਰਜਕਾਰੀ ਕਮੇਟੀ ਨੇ ਲਿਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਬਾਰੇ ਵਿਲਾਸ ਰਾਓ ਦੇਸ਼ਮੁੱਖ ਨਾਲ ਵੀ ਰਾਬਤਾ ਕਾਇਮ ਕੀਤਾ ਜਾਵੇਗਾ।  ਮੁਆਫ਼ੀ ਨਹੀਂ ਮੰਗਾਂਗਾ-ਇਸ ਦੌਰਾਨ ਸ਼ਾਹਰੁਖ ਨੇ ਕਿਹਾ ਕਿ ਉਹ ਮੁਆਫ਼ੀ ਨਹੀਂ ਮੰਗੇਗਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸ਼ਾਹਰੁਖ ਨੇ ਕਿਹਾ ‘ਉਨ੍ਹਾਂ ਨੂੰ ਮੇਰੇ ਤੋਂ ਮੁਆਫ਼ੀ ਮੰਗਣੀ ਚਾਹੀਦੀ ਹੈ ਕਿਉਂਕਿ ਉਨ੍ਹਾਂ ਮੇਰੇ ਬੱਚਿਆਂ ਨਾਲ ਬਦਸਲੂਕੀ ਕੀਤੀ।

ਮੁੰਬਈ, 16 ਮਈ (ਏਜੰਸੀ) : ਸਟ੍ਰਿਪਿੰਗ ਗਰਲ ਦੇ ਨਾਂ ਨਾਲ ਮਸ਼ਹੂਰ ਹੋ ਚੁੱਕੀ ਪੂਨਮ ਪਾਂਡੇ ਨੇ ਇਕ ਵਾਰ ਫਿਰ ਨਗਨ ਹੋਣ ਦਾ ਐਲਾਨ ਕੀਤਾ ਹੈ। ਇਸ ਵਾਰ ਪੂਨਮ ਨੇ ਸ਼ਾਹਰੁਖ ਲਈ ਕੱਪੜੇ ਲਾਹੁਣ ਦਾ ਐਲਾਨ ਕੀਤਾ ਹੈ। ਪੂਨਮ ਨੇ ਇਕ ਚੈਨਲ ਨੂੰ ਦਿੱਤੀ ਇੰਟਰਵਿਊ ਵਿਚ ਕਿਹਾ ਕਿ ਮੈਂ ਸ਼ਾਹਰੁਖ ਲਈ ਕੱਪੜੇ ਲਾਹੁਣ ਨੂੰ ਤਿਆਰ ਹਾਂ। ਪੂਨਮ ਨੇ ਕਿਹਾ ਕਿ ਮੈਂ ਸ਼ਾਹਰੁਖ ਦੀ ਬਹੁਤ ਵੱਡੀ ਫੈਨ ਹਾਂ ਅਤੇ ਜੇਕਰ ਉਹ ਆਪਣੀ ਟੀਮ ਕੇ.ਕੇ.ਆਰ. ਲਈ ਮੈਨੂੰ ਅਜਿਹਾ ਕਰਨ ਨੂੰ ਕਹਿਣਗੇ ਤਾਂ ਮੈਂ ਜ਼ਰੂਰ ਆਪਣੇ ਕੱਪੜੇ ਲਾਹ ਦੇਵਾਂਗੀ। ਉਸਨੇ ਕਿਹਾ ਕਿ ਜੇਕਰ ਮੇਰੇ ਸਟ੍ਰਿਪ ਕਰਨ ਨਾਲ ਸ਼ਾਹਰੁਖ ਦੀ ਟੀਮ ਜਿੱਤਦੀ ਹੈ ਤਾਂ ਅਜਿਹਾ ਕਰਨ ਵਿਚ ਕੋਈ ਬੁਰਾਈ ਨਹੀਂ ਹੈ। ਹੋਰ ਤਾਂ ਹੋਰ ਉਸਨੇ ਕਿਹਾ ਕਿ ਜੇਕਰ ਸ਼ਾਹਰੁਖ ਬੀ. ਸੀ. ਸੀ.ਆਈ. ਤੋਂ ਪਰਮਿਸ਼ਨ ਲੈਟਰ ਲੈ ਆਉਂਦੇ ਹਨ ਤਾਂ ਉਹ ਹੋਵੇਗਾ ਜੋ ਪਿਛਲੇ ਸਾਲ ਨਹੀਂ ਹੋਇਆ ਸੀ। ਮੈਨੂੰ ਉਮੀਦ ਹੈ ਜੋ ਮੈਂ ਨਹੀਂ ਕਰ ਸਕੀ ਉਹ ਸ਼ਾਇਦ ਸ਼ਾਹਰੁਖ ਕਰ ਦੇਵੇ।

ਨਵੀਂ ਦਿੱਲੀ, 15 ਮਈ (ਏਜੰਸੀ) : ਬਾਲੀਵੁੱਡ ਅਦਾਕਾਰਾ ਰੇਖਾ ਨੇ ਮੰਗਲਵਾਰ ਨੂੰ ਰਾਜਸਭਾ ਮੈਂਬਰ ਵਜੋਂ ਹਲਫ਼ ਲਿਆ। ਰੇਖਾ ਨੇ ਰੇਖਾ ਗਣੇਸ਼ਨ ਦੇ ਨਾਂ ਨਾਲ ਅੰਗਰੇਜ਼ੀ ਵਿਚ ਸਹੁੰ ਚੁੱਕੀ। ਰੇਖਾ ਨੇ ਰਾਜਸਭਾ ਵਿਚ 99 ਨੰਬਰ ਸੀਟ ’ਤੇ ਬੈਠੇਗੀ। ਸਹੁੰ ਚੁੱਕਣ ਤੋਂ ਪਹਿਲਾਂ ਰੇਖਾ ਨੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨਾਲ ਵੀ ਮੁਲਾਕਾਤ ਕੀਤੀ। ਹਿੰਦੀ ਸਿਨੇਮਾ ਦਾ ਸ਼ਹਿਨਸ਼ਾਹ ਅਮਿਤਾਭ ਬਚਨ ਦੀ ਪਤਨੀ ਤੇ ਅਦਾਕਾਰਾ ਜਯਾ ਬੱਚਨ ਅਤੇ ਅਮਿਤਾਭ ਦੀ ਦੋਸਤ ਰੇਖਾ ਸੰਸਦ ਵਿਚ ਇਕ ਦੂਸਰੇ ਦੇ ਰੂਬਰੂ ਹੋਣਗੀਆਂ। ਰੇਖਾ ਸੀਟ ਨੰਬਰ 99 ’ਤੇ ਬੈਠਕੇ ਰਾਜਸਭਾ ਦੀ ਕਾਰਵਾਈ ਵਿਚ ਹਿੱਸਾ ਲਵੇਗੀ। ਜਯਾ ਬੱਚਨ ਪਹਿਲਾਂ ਤੋਂ ਹੀ ਸੀਟ ਨੰਬਰ 91 ’ਤੇ ਬੈਠਿਆ ਕਰਦੀ ਸੀ, ਪਰ ਹੁਣ ਉਨ੍ਹਾਂ ਨੇ ਆਪਣੀ ਸੀਟ ਬਦਲ ਲਈ ਹੈ ਅਤੇ ਹੁਣ ਉਨ੍ਹਾਂ ਦਾ ਸੀਟ ਨੰਬਰ 143 ਹੈ। ਰੇਖਾ ਦੀ ਨਾਮਜ਼ਦਗੀ ਸੰਵਿਧਾਨ ਦੇ ਅਨੁਛੇਦ 80 ਤਹਿਤ ਕੀਤਾ ਗਿਆ ਹੈ। ਜਿਸ ਵਿਚ ਸਰਕਾਰ ਦੀ ਅਨੁਸ਼ੰਸਾ ’ਤੇ ਰਾਸ਼ਟਰਪਤੀ ਰਾਜਸਭਾ ਦੇ 250 ਮੈਂਬਰਾਂ ਵਿਚੋਂ 12 ਨੂੰ ਨਾਮਜ਼ਦ ਕਰ ਸਕਦਾ ਹੈ। ਉਨ੍ਹਾਂ 12 ਮੈਂਬਰਾਂ ਵਿਚੋਂ ਇਕ ਨਾਂ ਅਦਾਕਾਰਾ ਰੇਖਾ ਦਾ ਵੀ ਹੈ।

ਨਵੀਂ ਦਿੱਲੀ, 13 ਮਈ (ਏਜੰਸੀ) :  ਸੁਪਰ ਸਟਾਰ ਆਮਿਰ ਖਾਨ ਦੇ ਮਸ਼ਹੂਰ ਟੀ. ਵੀ. ਸ਼ੋਅ ਸਤਯਮੇਵ ਜਯਤੇ ਦੀ ਸ਼ਾਨਦਾਰ ਸ਼ੁਰੂਆਤ ਨੇ ਕੌਮੀ ਮਹਿਲਾ ਕਮਿਸ਼ਨ ਨੂੰ ਉਨ੍ਹਾਂ ਦਾ ਪ੍ਰਸ਼ੰਸਕ ਬਣਾ ਦਿੱਤਾ ਹੈ। ਕਮਿਸ਼ਨ ਆਮਿਰ ਨੂੰ ਮਹਿਲਾ ਅਧਿਕਾਰ ਸਬੰਧੀ ਮੁਹਿੰਮਾਂ ਨਾਲ ਜੋੜਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਕਮਿਸ਼ਨ ਦੀ ਪ੍ਰਧਾਨ ਮਮਤਾ ਸ਼ਰਮਾ ਨੇ ਕਿਹਾ ਕਿ ਅਸੀਂ ਆਮਿਰ ਦੇ ਸ਼ੁਕਰ ਗੁਜ਼ਾਰ ਹਾਂ ਕਿ ਉਸ ਨੇ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਨੂੰ ਚੁਣਿਆ। ਇਸ ਦੇ ਪਹਿਲੇ ਹੀ ਐਪੀਸੋਡ ਨੂੰ ਹਰ ਪਾਸੇਂ ਤੋਂ ਚੰਗੀ ਪ੍ਰਤੀਕਿਰਿਆ ਮਿਲ ਰਹੀ ਹੈ। ਇਸ ਲਈ ਅਸੀਂ ਆਮਿਰ ਨੂੰ ਕਮਿਸ਼ਨ ਦੇ ਮਹਿਲਾ ਅਧਿਕਾਰ ਸਬੰਧੀ ਮੁਹਿੰਮਾਂ ਨਾਲ ਜੋੜਨ ਦੀ ਯੋਜਨਾ ਬਣਾਈ ਹੈ। ਉਨ੍ਹਾਂ ਕਿਹਾ ਕਿ ਕਮਿਸ਼ਨ ਵਲੋਂ ਆਮਿਰ ਨੂੰ ਕਈ ਵਾਰ ਫੋਨ ਵੀ ਕੀਤਾ ਗਿਆ ਪਰ ਅਜੇ ਉਸ ਨਾਲ ਇਸ ਸਬੰਧ ‘ਚ ਕੋਈ ਗੱਲ ਨਹੀਂ ਹੋਈ ਹੈ ਪਰ ਆਮਿਰ ਦੀ ਪਤਨੀ ਕਿਰਨ ਰਾਓ ਨਾਲ ਇਸ ਬਾਰੇ ਗੱਲ ਹੋਈ ਹੈ। ਕਮਿਸ਼ਨ ਮਹਿਲਾ ਅਧਿਕਾਰਾਂ ਤੇ ਉਨ੍ਹਾਂ ਦੇ ਹਿੱਤਾਂ ਨਾਲ ਜੁੜੀਆਂ ਕਈ ਤਰ੍ਹਾਂ ਦੀਆਂ ਜਾਗਰੂਕਤਾ ਮੁਹਿੰਮਾਂ ਚਲਾਉਂਦਾ ਹੈ, ਜਿਨ੍ਹਾਂ ‘ਚ ਮਾਦਾ ਭਰੂਣ ਹੱਤਿਆ, ਦਾਜ ਤੇ ਬਾਲ ਕੁਪੋਸ਼ਣ ਵਰਗੇ ਵਿਸ਼ੇ ਸ਼ਾਮਲ ਹਨ। ਜ਼ਿਕਰਯੋਗ ਹੈ ਕਿ ਮਹਿਲਾ ਤੇ ਬਾਲ ਵਿਕਾਸ ਮੰਤਰਾਲਾ ਵਲੋਂ ਆਮਿਰ ਖਾਨ ਨੂੰ ਪਿਛਲੇ ਸਾਲ ਬੱਚਿਆਂ ‘ਚ ਕੁਪੋਸ਼ਣ ਦੂਰ ਕਰਨ ਲਈ ਬ੍ਰਾਂਡ ਅੰਬੈਸਡਰ ਬਣਾਇਆ ਗਿਆ ਸੀ।

ਮੁੰਬਈ, 12 ਮਈ (ਏਜੰਸੀ) : ਇਮਰਾਨ ਹਾਸ਼ਮੀ ਜਾਦੂਗਰ ਦਾ ਰੋਲ ਕਰੇਗਾ। ਵਿਸ਼ਾਲ ਭਾਰਦਵਾਜ ਦੀ ਫਿਲਮ ‘ਏਕ ਥੀ ਡਾਇਨ’ ਵਿਚ ਜਾਦੂਗਰ ਦਾ ਕਿਰਦਾਰ ਨਿਭਾਏਗਾ। ਇਸ ਦੇ ਲਈ ਉਹ ਪ੍ਰੋਫੈਸ਼ਨਲ ਜਾਦੂਗਰ ਤੋਂ ਜਾਦੂ ਦੇ ਗੁਰ ਸਿੱਖ ਰਿਹਾ ਹੈ। ਇਹ ਉਹੀ ਜਾਦੂਗਰ ਹੈ ਜਿਸ ਨਾਲ ਰਿਤਿਕ ਰੋਸ਼ਨ ਨੇ ਗੁਜਾਰਿਸ਼ ਲਈ ਜਾਦੂ ਸਿੱਖਿਆ ਸੀ। ਆਪਣੇ ਆਪ ਨੂੰ ਪ੍ਰੋਫੈਸ਼ਨਲ ਅਤੇ ਇਕ ਦਮ ਅਸਲੀ ਜਾਦੂਗਰ ਦਿਖਾਉਣ ਲਈ ਇਮਰਾਨ ਦੇਸ਼ ਦੇ ਮੰਨੇ-ਪ੍ਰਮੰਨੇ ਜਾਦੂਗਰ ਤੋਂ ਕਲਾਸ ਲਵੇਗਾ। ਉਂਝ ਤਾਂ ਫਿਲਹਾਲ ਇਮਰਾਨ ਆਪਣੀ ਫਿਲਮ ‘ਜੰਨਤ-2′ ਦੀ ਸਫਲਤਾ ਦੇ ਜਸ਼ਨ ਵਿਚ ਰੁਝਿਆ ਹੈ। ਇਸ ਨੂੰ ਲੈ ਕੇ ਉਹ ਬਹੁਤ ਉਤਸ਼ਾਹਿਤ ਵੀ ਹੈ।

ਮੁੰਬਈ , 8 ਮਈ  (ਏਜੰਸੀ) : ਫਿਲਮਕਾਰ ਰਾਮ ਗੋਪਾਲ ਵਰਮਾ ਇਕ ਵਾਰ ਫਿਰ ਮੁਸ਼ਕਲ ਵਿਚ ਫਸਦੇ ਜਾ ਰਹੇ ਹਨ। ਆਂਧਰਾ ਪ੍ਰਦੇਸ਼ ਦੀ ਸੀ.ਆਈ.ਡੀ. ਪੁਲਸ ਨੇ ਫਿਲਮ ‘ਰਕਤ ਚਰਿੱਤਰ’ ਬਣਾਉਣ ਲਈ ਹੱਤਿਆ ਦੇ ਇਕ ਦੋਸ਼ੀ ਤੋਂ ਮਦਦ ਲੈਣ ਦੇ ਮਾਮਲੇ ਵਿਚ ਰਾਮ ਗੋਪਾਲ ਵਰਮਾ ਤੋਂ ਪੁੱਛਗਿੱਛ ਕਰਨ ਦਾ ਫੈਸਲਾ ਕੀਤਾ ਹੈ। ਰਾਮਗੋਪਾਲ ਵਰਮਾ ‘ਤੇ ਦੋਸ਼ ਹੈ ਕਿ ਉਨ੍ਹਾਂ ਨੇ ਆਪਣੀ ਫਿਲਮ ‘ਰਕਤ ਚਰਿੱਤਰ’ ਲਈ ਤੇਲਗੂਦੇਸ਼ਮ ਪਾਰਟੀ ਦੇ ਨੇਤਾ ਪਰਿਤਾਲਾ ਰਵੀ ਦੀ ਹੱਤਿਆ ਦੇ ਮੁੱਖ ਦੋਸ਼ੀ ਤੋਂ ਆਰਥਿਕ ਮਦਦ ਲਈ ਸੀ। ਹੱਤਿਆ ਮਾਮਲੇ ਦੇ ਮੁੱਖ ਦੋਸ਼ੀ ਭਾਨੂ ਕਿਰਨ ਨੇ ਵੀ ਕਬੂਲ ਕੀਤਾ ਹੈ ਕਿ ਉਸਨੇ ਰਾਮੂ ਦੀ ਫਿਲਮ ਨੂੰ ਫਾਇਨਾਂਸ ਕੀਤਾ ਸੀ। ਜ਼ਿਕਰਯੋਗ ਹੈ ਕਿ ਰਾਮ ਗੋਪਾਲ ਵਰਮਾ ਦੀ ਫਿਲਮ ‘ਰਕਤ ਚਰਿੱਤਰ’ ਤੇਲਗੂਦੇਸ਼ਮ ਪਾਰਟੀ ਦੇ ਨੇਤਾ ਪਰਿਤਾਲਾ ਰਵੀ ਦੀ ਹੱਤਿਆ ਅਤੇ ਰਾਇਲ ਸੀਮਾ ਗੈਂਗਵਾਰ ਦੀ ਸੱਚੀ ਕਹਾਣੀ ‘ਤੇ ਬਣੀ ਸੀ।

ਮੁੰਬਈ, 5 ਮਈ (ਏਜੰਸੀ) : ਬਾਲੀਵੁੱਡ ਦੇ ਬਾਬਾ ਯਾਨੀ ਸੰਜੇ ਦੱਤ (ਸੰਜੂ ਬਾਬਾ) ਨੇ ਜਦੋਂ ਆਪਣੀ ਪਤਨੀ ਮਾਨਿਅਤਾ ਨੂੰ ਆਈਟਮ ਨੰਬਰ ‘ਤੇ ਨੱਚਦੇ ਦੇਖਿਆ ਤਾਂ ਉਹ ਬਹੁਤ ਦੁਖੀ ਹੋ ਗਏ ਸਨ।  ਮਾਨਿਅਤਾ ਬਾਲੀਵੁੱਡ ਵਿਚ ਸਟ੍ਰਗਲਰ ਸੀ ਓਦੋਂ ਪ੍ਰਕਾਸ਼ ਝਾ ਦੀ ਫਿਲਮ ‘ਗੰਗਾਜਲ’ ਵਿਚ ਉਸਨੇ ‘ਅਲਹੜ ਮਸਤ ਜਵਾਨੀ’ ਆਈਟਮ ਸਾਂਗ ‘ਤੇ ਡਾਂਸ ਕੀਤਾ ਸੀ। ਗੰਗਾਜਲ ਮੂਵੀ ਦੇ ਰਿਲੀਜ਼ ਹੋਣ ਦੌਰਾਨ ਹੀ ਸੰਜੂ ਬਾਬਾ ਅਤੇ ਮਾਨਿਅਤਾ ਨੇ ਸਾਤ ਫੇਰੇ ਲਏ ਸਨ। ਜਦੋਂ ਸੰਜੂ ਬਾਬਾ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਉਹ ਦੁਖੀ ਹੋ ਗਏ। ਉਹ ਚਾਹੁੰਦੇ ਸਨ ਕਿ ਫਿਲਮ ਤੋਂ ਇਸ ਗਾਣੇ ਨੂੰ ਹਟਾ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਪ੍ਰਕਾਸ਼ ਝਾ ਨੂੰ ਬੇਨਤੀ ਕੀਤੀ ਕਿ ਇਸ ਗੀਤ ਨੂੰ ਫਿਲਮ ਵਿਚ ਨਾ ਦਿਖਾਇਆ ਜਾਵੇ। ਪਰ, ਉਹ ਇਸ ਦੇ ਲਈ ਤਿਆਰ ਨਹੀਂ ਹੋਏ ਕਿਉਂਕਿ ਉਨ੍ਹਾਂ ਦਾ ਮੰਨਣਾ ਸੀ ਕਿ ਮਾਨਿਅਤਾ ਨੇ ਬਹੁਤ ਮਿਹਨਤ ਕਰਕੇ ਇਸ ਵਿਚ ਵਧੀਆ ਪਰਫਾਰਮੈਂਸ ਦਿੱਤੀ ਹੈ।

ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਅਤੇ ਐਸ਼ਵਰਿਆ ਰਾਏ ਆਹਮੋ-ਸਾਹਮਣੇ ਹੋ ਸਕਦੀਆਂ ਹਨ। ਇਹ ਸਾਹਮਣਾ ਅਗਲੇ ਮਹੀਨੇ ਕਾਨ ਸਮਾਰੋਹ ‘ਚ ਹੋਣ ਦੀ ਸੰਭਾਵਨਾ ਹੈ। ਐਸ਼ ਜਿੱਥੇ ਆਪਣੀ ਬੇਟੀ ਨਾਲ ਇਕ ਕਾਸਮੈਟਿਕ ਪ੍ਰੋਡਕਟ ਦਾ ਪ੍ਰਮੋਸ਼ਨ ਕਰੇਗੀ ਉੱਥੇ ਹੀ ਕਰੀਨਾ ਹੀਰੋਇਨ ਦੇ ਨਿਰਮਾਤਾ-ਨਿਰਦੇਸ਼ਕ ਮਧੁਰ ਭੰਡਾਰਕਰ ਨਾਲ ਦਿਖਾਈ ਦੇ ਸਕਦੀ ਹੈ। ਫਿਲਮ ਇੰਡਸਟਰੀ ਦੀਆਂ ਹੋਰ ਵੀ ਸਖਸ਼ੀਅਤਾਂ ਉੱਥੇ ਮੌਜੂਦ ਹੋਣਗੀਆਂ। ਇਨ੍ਹਾਂ ‘ਚ ਬਿਪਾਸ਼ਾ ਬਸੂ, ਅਰਜੁਨ ਰਾਮਪਾਲ ਅਤੇ ਸੋਨਮ ਕਪੂਰ ਦੇ ਨਾਮ ਸਾਹਮਣੇ ਆ ਰਹੇ ਹਨ ਪਰ ਲੋਕਾਂ ‘ਚ ਸਭ ਤੋਂ ਜ਼ਿਆਦਾ ਚਰਚਾ ਦਾ ਵਿਸ਼ਾ ਐਸ਼ ਅਤੇ ਬੇਬੋ ਹੀ ਹਨ। ਅੰਦਾਜ਼ੇ ਲਾਏ ਜਾ ਰਹੇ ਹਨ ਕਿ ਦੋਵੇਂ ਸਮਾਰੋਹ ‘ਚ ਨਹੀਂ ਮਿਲਣਗੀਆਂ। ਇਸਦਾ ਕਾਰਨ ‘ਹੀਰੋਇਨ’ ਫਿਲਮ ਹੈ। ਐਸ਼ ਨੇ ਪਹਿਲਾਂ ਇਹ ਫਿਲਮ ਸਾਈਨ ਤਾਂ ਕੀਤੀ ਸੀ ਪਰ ਫਿਰ ਪ੍ਰੈਗਨੈਂਸੀ ਕਾਰਨ ਇਸਨੂੰ ਛੱਡ ਦਿੱਤਾ ਸੀ। ਇਸ ਤੋਂ ਬਾਅਦ ਕਰੀਨਾ ਇਸ ਫਿਲਮ ‘ਚ ਕੰਮ ਕਰਨ ਲਈ ਰਾਜ਼ੀ ਹੋਈ। ਇਹ ਦੋਵੇਂ ਹੀ ਨੰਬਰ ਇਕ ਦੇ ਸਥਾਨ ‘ਤੇ ਆਪਣਾ ਦਰਜਾ ਰੱਖਦੀਆਂ ਹਨ। ਇਸ ਲਈ ਦੋਹਾਂ ਦੇ ਟਕਰਾਅ ਦੀਆਂ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਦੋਵੇਂ ਵੱਡੇ ਸਮਾਰੋਹਾਂ ‘ਚ ਮਿਲਣ ਤੋਂ ਡਰਦੀਆਂ ਹਨ। ਐਸ਼ ਦੀ ਪ੍ਰੈਗਨੈਂਸੀ ਤੋਂ ਬਾਅਦ ਉਸਦੀ ਕਰੀਨਾ ਨਾਲ ਮੁਲਾਕਾਤ ਹੀ ਨਹੀਂ ਹੋਈ। ਸੂਤਰਾਂ ਅਨੁਸਾਰ ਕਰੀਨਾ,ਐਸ਼ ਨਾਲ ਮਿਲਣਾ ਵੀ ਨਹੀਂ ਚਾਹੁੰਦੀ। ਇਸ ਲਈ ਉਨ੍ਹਾਂ ਦੇ ਮੈਨੇਜਰ ਇਹ ਇੰਤਜ਼ਾਮ ਕਰ ਰਹੇ ਹਨ ਕਿ ਦੋਵੇਂ ਇੱਕੋ ਹੀ ਦਿਨ ਰੇਡ ਕਾਰਪੇਟ ‘ਤੇ ਨਾ ਜਾਣ।

Poonam Pandey

ਹਮੇਸ਼ਾ ਚਰਚਾ ‘ਚ ਰਹਿਣ ਵਾਲੀ ਕਿੰਗਫਿਸ਼ਰ ਮਾਡਲ ਪੂਨਮ ਪਾਂਡੇ ਨੇ ਹੁਣ ਪੂਰੀ ਫਿਲਮ ਇੰਡਸਟਰੀ ਨੂੰ ਚੈਲੈਂਜ ਕਰ ਦਿੱਤਾ ਹੈ। ਉਸ ਦਾ ਕਹਿਣਾ ਹੈ ਕਿ ਕਿਸੇ ਵੀ ਅਦਾਕਾਰਾ ਕੋਲ ਬਿਕਨੀ ਬਾਡੀ ਨਹੀਂ ਹੈ। ਪੂਨਮ ਨੇ  ਟਵਿੱਟਰ ‘ਤੇ ਇਕ ਮੈਗਜ਼ੀਨ ਦੇ ਕਵਰ ਪੇਜ ‘ਤੇ ਛਪੀ ਇਕ ਫੋਟੋ ਅਪਲੋਡ ਕੀਤੀ ਹੈ। ਪੂਨਮ ਨੇ ਟਵਿੱਟਰ ‘ਤੇ ਬਿਕਨੀ ਵਾਲੀ ਫੋਟੋ ‘ਤੇ ਲਿਖਿਆ ਹੈ,”ਕਿਸੇ ਵੀ ਅਦਾਕਾਰਾ ਕੋਲ ਬਿਕਨੀ ਪਾਉਣ ਲਈ ਕਾਬਿਲ ਬਾਡੀ ਨਹੀਂ ਹੈ। ਮੈਨੂੰ ਲੱਗਦਾ ਹੈ ਕਿ ਮੈਂ ਉਨ੍ਹਾਂ ਬਾਲੀਵੁੱਡ ਅਦਾਕਾਰਾਂ ਨੂੰ ਇਸ ਲਈ ਟਿੱਪਜ਼ ਦਵਾਂ, ਜਿਨ੍ਹਾਂ ਨੇ ਬਿਕਨੀ ਪਾਉਣ ਦੀ ਕੋਸ਼ਿਸ਼ ਕੀਤੀ ਹੈ।” ਹੁਣ ਵੇਖਣਾ ਇਹ ਹੋਵੇਗਾ ਕਿ ਇਸ ਟਵਿੱਟ ਦਾ ਪੂਨਮ ਨੂੰ ਕੀ ਜਵਾਬ ਮਿਲਦਾ ਹੈ। ਪਿਛਲੇ ਦਿਨਾਂ ‘ਚ ਵੀ ਪੂਨਮ ਦੀ ਟਵਿੱਟਰ ‘ਤੇ ਲੇਖਿਕਾ ਤਸਲੀਮਾ ਨਸਰੀ ਅਤੇ ਅਦਾਕਾਰਾ ਚਿਤਰਾਗੰਦਾ ਨਾਲ ਅਣ-ਬਣ ਹੋਈ ਸੀ।

ਮੁੰਬਈ, 29 ਅਪ੍ਰੈਲ (ਏਜੰਸੀ) : ਬਾਲੀਵੁੱਡ ਦੇ ਸੀਰੀਅਲ ਕਿਸਰ ‘ਇਮਰਾਨ ਹਾਸ਼ਮੀ’ ਦਾ ਅਜੇ ਤੱਕ ਦਿਲ ਨਹੀਂ ਭਰਿਆ ਹੈ। ਖਬਰ ਆਈ ਹੈ ਕਿ ਉਹ ਹੁਣ 2 ਹਸੀਨਾਵਾਂ ਨਾਲ ਬੈਡਰੂਮ ਸੀਨ ਕਰਨ ਵਾਲੇ ਹਨ। ਇਹ ਸੀਨ ਇਮਰਾਨ ਆਪਣੀ ਆਉਣ ਵਾਲੀ ਫਿਲਮ ‘ਰਾਜ਼-3′ ‘ਚ ਈਸ਼ਾ ਗੁਪਤਾ ਅਤੇ ਬਿਪਾਸ਼ਾ ਬਸੂ ਨਾਲ ਕਰਨਗੇ। ਇਸ ਫਿਲਮ ‘ਚ ਕਿਸਿੰਗ ਕਿੰਗ ਦਾ ਇਨ੍ਹਾਂ ਦੋਹਾਂ ਅਦਾਕਾਰਾਂ ਨਾਲ ਅਫੇਅਰ ਦਿਖਾਇਆ ਗਿਆ ਹੈ। ਸੂਤਰਾਂ ਅਨੁਸਾਰ ਇਨ੍ਹਾਂ ਤਿੰਨ੍ਹਾਂ ਦੇ ਲਵ ਮੇਕਿੰਗ ਸੀਨ ਨੂੰ ਇਕ ਜ਼ਬਰਦਸਤ ਲਵ ਸੀਕੂਐਂਸ ਮੰਨਿਆ ਜਾ ਰਿਹਾ ਹੈ। ਜਦੋਂ ਇਸ ਸੰਬੰਧ ‘ਚ ਵਿਕਰਮ ਭੱਟ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕੁਝ ਨਹੀਂ ਕਿਹਾ। ਫਿਲਹਾਲ ਇਸ ਫਿਲਮ ਨੂੰ ਲੈ ਕੇ ਇਮਰਾਨ ਦੇ ਪ੍ਰਸ਼ੰਸਕ ਬਹੁਤ ਉਤਸੁਕ ਹਨ। ਅਸੀਂ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਕਹਾਂਗੇ ਕਿ ਇੰਨ੍ਹੇ ਉਤਸੁਕ ਨਾ ਹੋਵੋ ਕਿਉਂਕਿ ਇਸ ਫਿਲਮ ‘ਚ ਫਿਲਮਾਏ ਜਾਣ ਵਾਲੇ ਹਾਟ ਸੀਨਾਂ ਨੂੰ ਸੈਂਸਰ ਬੋਰਡ ਦੀਆਂ ਨਜ਼ਰਾਂ ‘ਚੋਂ ਗੁਜ਼ਰਨਾ ਪਵੇਗਾ।