ਪੰਜਾਬ ਤੋਂ ਕੈਨੇਡਾ ਤੱਕ ਇੰਝ ਹੁੰਦੀ ਨਸ਼ਾ ਤਸਕਰੀ


ਚੰਡੀਗੜ੍ਹ, 17 ਜੂਨ (ਏਜੰਸੀ) : ਪੰਜਾਬ ਤੋਂ ਕੈਨੇਡਾ ਤੱਕ ਹੋ ਰਹੀ ਨਸ਼ਾ ਤਸਕਰੀ ਦਾ ਪੁਲਿਸ ਨੇ ਪਰਦਾਫਾਸ਼ ਕੀਤਾ ਹੈ। ਪੰਜਾਬ ਪੁਲਿਸ ਵੱਲੋਂ ਕੈਨੇਡੀਅਨ ਨਾਗਰਿਕ ਸਮੇਤ ਚਾਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਨਸ਼ਾ ਤਸਕਰਾਂ ਵੱਲੋਂ ਕੈਨੇਡਾ ਵਿੱਚ ਨਸ਼ਾ ਭੇਜਣ ਦੇ ਨਵੇਂ ਤਰੀਕੇ ਸਾਹਮਣੇ ਆਏ ਹਨ। ਨਸ਼ਾ ਤਸਕਰਾਂ ਦੀ ਗ੍ਰਿਫ਼ਤਾਰੀ ਦੌਰਾਨ ਤਕਰੀਬਨ ਪੰਜ ਕਿੱਲੋ ਕੈਟਾਮਾਈਨ ਤੇ ਛੇ ਕਿੱਲੋ ਅਫੀਮ ਵੀ ਬਰਾਮਦ ਕੀਤੀ ਗਈ ਹੈ। ਤਫਤੀਸ਼ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਕੈਨੇਡਾ ਦੇ ਸਿਟੀਜਨ ਦਵਿੰਦਰ ਸਿੰਘ ਦੇਵ ਤੇ ਕਮਲਜੀਤ ਸਿੰਘ ਚੌਹਾਨ ਨਸ਼ਾ ਤਸਕਰੀ ਦੇ ਮਾਸਟਰਮਾਈਂਡ ਹਨ। ਪੁਲਿਸ ਨੇ ਦੇਵ ਸਮੇਤ ਅਜੀਤ ਸਿੰਘ, ਤਰਲੋਚਨ ਸਿੰਘ, ਹਰਜਿੰਦਰ ਸਿੰਘ ਤੇ ਗੁਰਬਖਸ਼ ਸਿੰਘ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

ਮੁਲਜ਼ਮਾਂ ਦੀ ਤਫਦੀਸ਼ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ ਕਮਲਜੀਤ ਸਿੰਘ ਚੌਹਾਨ ਕੁਝ ਮਹੀਨੇ ਪਹਿਲਾਂ ਪੰਜਾਬ ਵਿੱਚ ਦੇਵ ਤੇ ਅਜੀਤ ਸਿੰਘ ਨਾਲ ਨਸ਼ਾ ਤਸਕਰੀ ਦਾ ਸੌਦਾ ਕਰਕੇ ਗਿਆ ਸੀ। ਹਾਲਾਂਕਿ ਪੰਜਾਬ ਤੋਂ ਕੈਨੇਡਾ ਤੱਕ ਨਸ਼ਾ ਭੇਜਣ ਦੀ ਜ਼ਿੰਮੇਵਾਰੀ ਕਮਲ ਚੌਹਾਨ ਨੇ ਆਪਣੇ ਕੋਲ ਹੀ ਰੱਖੀ ਸੀ। ਤਸਕਰੀ ਦੀ ਸ਼ੁਰੂਆਤ ਅਫ਼ੀਮ ਤੋਂ ਕੀਤੀ ਗਈ ਸੀ ਜੋ ਮਿਠਾਈ ਦੇ ਡੱਬਿਆਂ ਵਿੱਚ ਪਾ ਕੇ ਕੈਨੇਡਾ ਤੱਕ ਪੁਚਾਈ ਗਈ ਸੀ। ਕੈਟਾਮਾਈਨ 14 ਵੱਡੇ ਕੂਕਰਾਂ ਵਿੱਚ ਪੈਕ ਕਰਕੇ ਕੈਨੇਡਾ ਪਹੁੰਚਾਇਆ ਜਾਣਾ ਸੀ। ਪੰਜਾਬ ਦੀ ਕਾਊਂਟਰ ਇੰਟੈਲੀਜੈਂਸ ਦੀ ਇਸ ਨਸ਼ਾ ਤਸਕਰੀ ਉੱਪਰ ਕਰੜੀ ਅੱਖ ਸੀ। ਇਹ ਖੇਪ ਡਲਿਵਰ ਹੋਣ ਤੋਂ ਪਹਿਲਾਂ ਹੀ ਸਾਬਤ ਕਰ ਲਿਆ ਗਿਆ। ਕਾਊਂਟਰ ਇੰਟੈਲੀਜੈਂਸ ਦੇ ਏਆਈਜੀ ਹਰਕਮਲਪ੍ਰੀਤ ਸਿੰਘ ਖੱਖ ਨੇ ਦੱਸਿਆ ਕਿ ਦਵਿੰਦਰ ਸਿੰਘ ਦੇਵ ਸਿਰਫ ਕੈਨੇਡਾ ਹੀ ਤਸਕਰੀ ਨਹੀਂ ਸੀ ਕਰਦਾ, ਇਸ ਦੇ ਨਾਲ ਹਿੰਦੁਸਤਾਨ ਦੇ ਕਈ ਹਿੱਸਿਆਂ ਤੱਕ ਨਸ਼ਾ ਪਹੁੰਚਾਉਂਦਾ ਸੀ।


Like it? Share with your friends!

0

Comments 0

Your email address will not be published. Required fields are marked *

Enable Google Transliteration.(To type in English, press Ctrl+g)

ਪੰਜਾਬ ਤੋਂ ਕੈਨੇਡਾ ਤੱਕ ਇੰਝ ਹੁੰਦੀ ਨਸ਼ਾ ਤਸਕਰੀ