ਪੀ ਏ ਯੂ ਮੁਲਾਜ਼ਮ ਖੇਡ ਸਮਾਗਮ ਦਾ ਅੱਜ ਚੌਥਾ ਦਿਨ ਅਤੇ ਕੱਲ ਨੂੰ ਆਖਰੀ ਦਿਨ


ਲੁਧਿਆਣਾ 16 ਅਪ੍ਰੈਲ (ਪ੍ਰੀਤੀ ਸ਼ਰਮਾ) : ਪੀ ਏ ਯੂ ਇੰਪਲਾਈਜ਼ ਯੂਨੀਅਨ (ਮਾਨਤਾ ਪ੍ਰਾਪਤ) ਲੁਧਿਆਣਾ ਵੱਲੋਂ ਪਿਛਲੀ 10 ਅਪ੍ਰੈਲ ਤੋਂ ਮੁਲਾਜ਼ਮ ਖੇਡਾਂ ਕਰਵਾਈਆਂ ਜਾ ਰਹੀਆਂ ਹਨ। ਅੱਜ ਚੌਥੇ ਦਿਨ ਕ੍ਰਿਕਟ ਦੇ ਮੈਚ ਹੋਏ। ਇਸ ਤੋਂ ਪਹਿਲਾਂ ਬੈਡਮਿੰਟਨ, ਟੇਬਰ ਟੈਨਿਸ, ਫੁੱਟਬਾਲ, ਬਾਲੀਬਾਲ, ਹਾਕੀ, ਕ੍ਰਿਕਟ ਦੇ ਮੈਚ ਹੋ ਚੁੱਕੇ ਹਨ। ਇਹ ਖੇਡਾਂ ਯੂਨੀਅਨ ਦੇ ਸੀਨੀਅਰ ਮੀਤ ਪ੍ਰਧਾਨ ਅਤੇ ਮੀਤ ਪ੍ਰਧਾਨ ਬਲਦੇਵ ਸਿੰਘ ਵਾਲੀਆ, ਲਖਵਿੰਦਰ ਸਿੰਘ ਸੰਧੂ ਅਤੇ ਗੁਰਮੇਲ ਸਿੰਘ ਤੁੰਗ, ਮਨਮੋਹਨ ਸਿੰਘ ਦੀ ਅਗਵਾਈ ਵਿੱਚ ਬਾਖੂਬੀ ਚੱਲ ਰਹੀਆਂ ਹਨ।

ਕੱਲ ਯਾਨੀ 17 ਅਪ੍ਰੈਲ 2013 ਨੂੰ ਇਸ ਖੇਡ ਸਮਾਗਮ ਦਾ ਅੰਤਿਮ ਦਿਨ ਹੋਵੇਗਾ। ਇਸ ਦਿਨ ਕਬੱਡੀ ਤੋਂ ਇਲਾਵਾ ਔਰਤਾਂ ਅਤੇ ਮਰਦਾਂ ਦੀਆਂ ਦੌੜਾਂ, ਗੋਲਾ ਸੁਟਣਾ, ਨੇਜਾ ਸੁੱਟਣਾ, ਪਾਥੀ ਸੁੱਟਣੀ, ਉੱਚੀ ਅਤੇ ਲੰਮੀ ਛਾਲ, ਰੱਸਾ ਖਿੱਚਣ ਦੇ ਮੁਕਾਬਲੇ ਹੋਣਗੇ। ਇਸਤਰੀਆਂ ਦੀ ਤਿੰਨ ਟੰਗੀ ਰੇਸ, ਨਿੰਬੂ ਚਮਚ ਰੇਸ ਅਤੇ ਸੰਗੀਤਕ ਕੁਰਸੀ ਦੀ ਗੇਮ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਹੋਣਗੀਆਂ। ਇਸ ਦਿਨ ਪੀ ਏ ਯੂ ਦੇ ਰਜਿਸਟਰਾਰ ਸਾਹਿਬ ਡਾ. ਪੀ ਕੇ ਖੰਨਾ ਅਤੇ ਕੰਪਟਰੋਲਰ ਪੀ ਏ ਯੂ ਅਵਤਾਰ ਚੰਦ ਰਾਣਾ ਝੰਡਾ ਲਹਿਰਾਉਣ, ਉਦਘਾਟਨ ਕਰਨ ਦੀ ਰਸਮ ਅਦਾ ਕਰਨ ਦੇ ਨਾਲ ਨਾਲ ਕਬੱਡੀ ਅਤੇ ਐਥਲੈਟਿਕ ਦੀਆਂ ਗੇਮਾਂ ਸਮੇਂ ਹਾਜ਼ਰੀ ਭਰ ਕੇ ਖੇਡਾਂ ਦੀ ਰੋਣਕ ਨੂੰ ਵਧਾਉਣਗੇ। ਅੱਜ ਪੀ ਏ ਯੂ ਇੰਪਲਾਈਜ਼ ਯੂਨੀਅਨ ਦੇ ਸਾਬਕਾ ਜਰਨਲ ਸਕੱਤਰ ਅੰਮ੍ਰਿਤਪਾਲ ਸਿੰਘ ਜੀ ਨੇ ਖਿਡਾਰੀਆਂ, ਮੁਲਾਜ਼ਮਾਂ ਅਤੇ ਵਿਭਿੰਨ ਅਫਸਰਾਂ ਦਾ ਖੇਡਾਂ ਵਿੱਚ ਭਰਵੀਂ ਸ਼ਮੂਲੀਅਤ ਲਈ ਧੰਨਵਾਦ ਕੀਤਾ।

ਯੁਨੀਅਨ ਦੇ ਪ੍ਰਧਾਨ ਸ. ਪਰਮਜੀਤ ਸਿੰਘ ਗਿੱਲ ਅਤੇ ਜਰਨਲ ਸਕੱਤਰ ਡਾ. ਗੁਲਜ਼ਾਰ ਸਿੰਘ ਪੰਧੇਰ ਨੇ ਸਮੁੱਚੇ ਮੁਲਾਜ਼ਮਾਂ ਨੂੰ ਕੱਲ 17 ਅਪ੍ਰੈਲ ਨੂੰ ਖੇਡਾਂ ਵਿੱਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਅਤੇ ਦੱਸਿਆ ਕਿ ਇਨ੍ਰਾਂ ਖੇਡਾਂ ਦੇ ਮੰਤਵ ਲਈ 17 ਅਪ੍ਰੈਲ 2013 ਨੂੰ 10 ਵਜੇ ਤੋਂ 12 ਵਜੇ ਤੱਕ ਬਕਾਇਦਾ ਛੁੱਟੀ ਕਰਵਾਈ ਗਈ ਹੈ। ਇਨ੍ਹਾਂ ਖੇਡਾਂ ਵਿੱਚ ਪੀ ਏ ਯੂ ਇੰਪਲਾਈਜ਼ ਯੂਨੀਅਨ ਦੇ ਵਿੱਤ ਸਕੱਤਰ ਜਰਨੈਲ ਸਿੰਘ, ਪ੍ਰਵੀਨ ਗਰਗ, ਸਕੱਤਰ ਲਾਲ ਬਹਾਦਰ ਯਾਦਵ, ਗੁਰਪ੍ਰੀਤ ਸਿੰਘ ਢਿੱਲੋਂ ਤੋਂ ਇਲਾਵਾ ਹਰਵਿੰਦਰ ਸਿੰਘ, ਕੁਲਦੀਪ ਸਿੰਘ, ਜੈਪਾਲ, ਮੋਹਨ ਲਾਲ ਆਦਿ ਸਾਰੇ ਮੈਂਬਰ ਸਰਗਰਮੀ ਨਾਲ ਕੰਮ ਕਰ ਰਹੇ ਹਨ। ਸੋ ਇਸ ਤਰ੍ਹਾਂ ਇਹ ਖੇਡਾਂ ਕਮ ਸੱਭਿਆਚਾਰ ਲਈ ਯੂਨੀਵਰਸਿਟੀ ਦੇ ਕੰਮ ਦੀ ਕਵਾਲਟੀ ਨੂੰ ਉੱਚਾ ਚੁੱਕਣ ਲਈ ਸਹਾਈ ਹੋਣਗੀਆਂ


Like it? Share with your friends!

0

ਪੀ ਏ ਯੂ ਮੁਲਾਜ਼ਮ ਖੇਡ ਸਮਾਗਮ ਦਾ ਅੱਜ ਚੌਥਾ ਦਿਨ ਅਤੇ ਕੱਲ ਨੂੰ ਆਖਰੀ ਦਿਨ